Stasjonen

Verslunarmiðstöð og íbúðir

Stasjonen er staðsett í Ålgård í Gjesdal kommune, skammt frá Stavanger. Um er að ræða tveggja hæða viðbyggingu við núverandi verslunarmiðstöð, endurgerð núverandi verslunarmiðstöðvar. Á þriðju til sjöttu hæð verða allt að 160 íbúðir þegar öllum áföngum er lokið. Tendra er nú að leggja lokahönd á hönnun þriðja áfanga íbúða (blokk C) en framkvæmdir hefjast í apríl 2016. Framkvæmdum við þriðja áfanga verslunarmiðstöðvar lýkur í apríl 2016.

Auk stækkunar þeirrar sem ofan er getið snýst verkefnið um að ná heildstæðu útliti í sundurleitan byggingarmassa. Byggingin er stór á mælikvarða Ålgård og því mikilvægt að brjóta hana niður í minni einingar sem ekki eru framandi mælikvarða staðarins. Hluti íbúðarhúsanna eru í stöllum og spilar þannig með hæðóttu landslagi Ålgårds.

Heiti verks Stasjonen Heimilisfang Ole Nielsens vei 28, Ålgård Verkkaupi Masiv Bygg fyrir Stasjonen Bolig og Stasjonen eiendom

Íbúðafjöldi 85 íbúðir í fyrstu þremur áföngunum Hönnuður Jóhann Sigurðsson fyrir Tendra, áður Batteríið og Link Arkitektur